Ҫӗртмен 20-21-мӗшӗсенче К.В. Иванов ячӗллӗ Чӑваш патшалӑх академи драма театрӗнче мордва писателӗн пьеси тӑрӑх лартнӑ спектакле, «Куйкарӑш» ятлӑскере, кӑтартӗҫ.
Режиссерӗ – Раҫҫей, Азербайджан, Калмӑк тата Тыва республикисен искусствӑсен тава тивӗҫлӗ деятелӗ Борис Манджиев. Пьеса авторӗ - Мордва Республикин тава тивӗҫлӗ писателӗ Валентина Мишанина.
Сюжет кӑсӑклӑ: Петӗркке ятлӑ старик кӗтмен ҫӗртен Куйкӑрӑш хуҫи пулса тӑрать. Ырлӑх курас вырӑнне унӑн пурнӑҫӗ тӗпрен улшӑнать - ӑна мистикӑллӑ тата тӗлӗнтермӗш пулӑмсем кӗтеҫҫӗ.
«Куйкӑрӑш» камит чӑваш фольклорӗпе, мистикӑпа тата халӑх кӗввисемпӗ пуян.
К.В.Иванов ячӗллӗ Чӑваш патшалӑх академи драма театрӗ 40 ҫул иртсен «Нарспи» спектакле сцена ҫине тепӗр хут кӑларма палӑртнӑ. Ахальтен мар. Кӑҫал поэма авторӗ Константин Иванов ҫуралнӑранпа 130 ҫул ҫитет.
Премьера авӑн уйӑхӗн 26-мӗшӗнче пулӗ. Ӑна Чӑваш Республикин Элтеперӗн гранчӗпе лартаҫҫӗ.
Спектакль режиссерӗ – Адыгейӑра ҫуралнӑ, ГИТИСра вӗреннӗ Данна Афаунова. Вӑл унччен Ингушетири, Тутарстанри театрсенче спектакльсем лартнӑ.
К.В.иванов ячӗллӗ Чӑваш патшалӑх академи драма театрӗн артисткине Любовь Федорована ӗмӗр тӑршшӗпе уйӑхсерен патшалӑх пособине парса тӑма йышӑннӑ. ЧР Элтеперӗ хушӑва 2025 ҫулхи пушӑн 27-мӗшӗнчи алӑ пуснӑ. Раҫҫей тава тивӗҫлӗ артистки, Чӑваш халӑх артистки ку пособие культурӑна аталантарас ӗҫре палӑрнӑшӑн тивӗҫнӗ.
Любовь Владимировна Чӑваш патшалӑх академи драма театрӗнче 50 ҫул ытла ӗҫлет. Ку таранччен нумай роле калӑпланӑ. Малашне те пысӑк рольсене калӑплама сывлӑх сунатпӑр ӑна!
Ӗнӗр, раштав уйӑхӗн 20-мӗшӗнче, К.В.Иванов ячӗллӗ Чӑваш патшалӑх академи драма театрӗн илӗмлӗх ертӳҫин Валерий Яковлевӑн чӗри тапма чарӑннӑ. Унпа раштавӑн 23-мӗшӗнче 11-13 сехетсенче Чӑваш патшалӑх драма театрӗнче сыв пуллашӗҫ.
Ҫав кун театрта мероприятисем пулмӗҫ. Билетсене сайтра е театр кассинче каялла пама пулать.
+21.3 °C